Responsabilidade Social
O noso compromiso: a transformación social
O noso compromiso: a transformación social
Na dinahosting sentímonos parte activa da sociedade e queremos contribuír ao seu progreso e á mellora da calidade de vida das persoas.
Apostamos pola integración
Chámanse Mónica, Brais, María, Manuel, Antía; son persoas con discapacidade intelectual. O seu futuro depende de iniciativas que lles axuden a abrirse paso cando as condicións da súa contorna máis próxima non llo permiten. É por iso que cando a Fundación para a discapacidade e emprego Juan XXIII nos convidou a colaborar co seu proxecto, non o dubidamos nin un momento.
Vista Alegre: o noso barrio
O noso compromiso comeza na nosa contorna máis próxima, o barrio de Vista Alegre en Compostela. Intentamos participar activamente na nosa comunidade e contribuír no seu desenvolvemento como unha veciña ou veciño máis, por iso estamos pendentes das iniciativas da AV Brañas de Andrés. Aportamos a nosa colaboración e axudamos a construír redes de participación social máis sólidas.
Kiva: mudando vidas
Os avances en cooperativismo, medicina ou enxeñaría case nunca son de aplicación directa nas rexións que máis o necesitan. Os gravísimos contrastes que hoxe existen entre os pobos están á vista. Creamos un perfil na rede de créditos sociais Kiva e colaboramos semanalmente con centenas de persoas e comunidades de todo o mundo. Coñece as iniciativas que apoiamos.
Responsabilidade medioambiental
Queremos que a dinahosting se manteña nuns niveis de eficiencia enerxética razoábeis, polo que realizamos unha planificación tecnolóxica que optimiza todos os procesos que realizamos. Ademais, a través do noso programa de reutilización cedemos a colectivos sociais compoñentes que non usamos e que son útiles para a alfabetización dixital, para crear postos de acceso á rede en zonas desfavorecidas...
Colaboramos con la Comunidad de Montes de Vincios en la repoblación de la Serra do Galiñeiro (Pontevedra) con especies autóctonas. Nuestro propósito es recuperar el ecosistema forestal amenazado por los incendios. Aquí puedes ver los últimos trabajos de la Asociación.
Apoiamos o emprendemento
Colaboramos con Zarpamos ofreciéndoles a las startups participantes en sus programas de aceleración el hosting y el asesoramiento que necesitan para iniciar su proyecto online.
Patrocinamos as túas ideas
Interésanos moito o que fas e até che poderiamos botar unha man. Se tes na cabeza un proxecto que che quita o sono ou xa levas un tempo traballando nel, ponte en contacto, cóntanos que tes entre mans e dámosche o hosting que necesites.
Hosting para a túa ONG
Se pertences a unha organización laica con facturación inferior a 600.000 €/ano, non deixes de presentar a túa solicitude.
Hosting para I+D+i
Calquera axuda á difusión das ciencias é pouca. Só queremos pór a nosa pequena aportación.
Hosting para a túa comunidade educativa
Se traballas nunha institución educativa e o Proxecto de Centro o contempla, habilitaremos un hosting para o teu alumnado.
Hosting para o teu proxecto web
Se te dedicas ao desenvolvemento web, á programación, ao deseño ou ás artes en xeral, encantaranos darche o hosting que necesites.